వేంసూరు, జనవరి 27: తెలంగాణ రాష్ట్రంలో జరుగుతున్న అభివృద్ధిని కేంద్ర ప్రభుత్వం అడుగడుగునా అడ్డుకుంటున్నదని సత్తుపల్లి ఎమ్మెల్యే సండ్ర వెంకటవీరయ్య విమర్శించారు. మండలంలోని ఎంపీడీవో కార్యాలయంలో శుక్రవారం జరిగిన కార్యక్రమంలో పలువురు లబ్ధిదారులకు కల్యాణలక్ష్మి, సీఎంఆర్ఎఫ్ చెక్కులను పంపిణీ చేశారు. అనంతరం చౌడవరం తండాకు చెందిన గుగులోతు వెంకటేశ్వరరావు ప్రమాదవశాత్తూ చెరువులో పడి చనిపోగా.. అతడికి బీఆర్ఎస్ పార్టీ సభ్యత్వం ఉండడంతో రూ.2 లక్షల బీమా పరిహారం మంజూరైనది. ఆ చెక్కును వెంకటేశ్వరరావు భార్య ఝాన్సీరాణికి ఎమ్మెల్యే సండ్ర అందజేశారు. పార్టీ తరఫున కుటుంబానికి అండగా ఉంటామని ధైర్యం చెప్పారు.