హైదరాబాద్, జూన్ 5 (నమస్తే తెలంగాణ): రాష్ట్ర అధికారిక చిహ్నంపై విమర్శల నేపథ్యంలో తెలంగాణ తల్లి విగ్రహంపై ఆచితూచి వ్యవహరించాలని ప్రభుత్వం నిర్ణయించినట్టు సమాచారం. సోనియాగాంధీ జన్మదినం సందర్భంగా డిసెంబర్ 9న విగ్రహాన్ని ఆవిష్కరించాలని యోచిస్తున్నట్టు తెలిసింది. సీఎం రేవంత్రెడ్డి బుధవారం నిర్వహించిన మీడియా చిట్చాట్లోనూ ఇదే విషయాన్ని వెల్లడించినట్టు సమాచారం. సచివాలయ ఆవరణలోనే విగ్రహాన్ని ఆవిష్కరించాలని, ఏటా డిసెంబర్ 9న అధికారికంగా తెలంగాణ తల్లి ఉత్సవాలు నిర్వహించాలని భావిస్తున్నట్టు తెలిసింది. దీంతో కాంగ్రెస్కు, సోనియాగాంధీకి మైలేజీ వస్తుందని భావిస్తున్నారట. మరోవైపు జూన్లో స్థానిక సంస్థలు ఎన్నికలు నిర్వహిస్తామని పదే పదే చెప్పినా.. సాంకేతికంగా అది సాధ్యం కాదని తేలడంతో వెనక్కి తగ్గినట్టు చెప్తున్నారు.