ఉస్మానియా యూనివర్సిటీ, జూలై 3: అసిస్టెంట్ ప్రొఫెసర్, లెక్చరర్ ఉద్యోగాలకు అర్హత సాధించేందుకు నిర్వహించే తెలంగాణ స్టేట్ ఎలిజిబిలిటీ టెస్ట్ (టీఎస్ సెట్) – 2024కు దరఖాస్తు స్వీకరణ గడువును పొడిగించినట్టు సెట్ మెంబర్ సెక్రటరీ ప్రొఫెసర్ నరేశ్రెడ్డి తెలిపారు.
ఈ నెల 8లోగా దరఖాస్తులు దాఖలు చేయాలని సూచించారు. రూ.1500 అపరాధ రుసుముతో 16వరకు, రూ.2000 అపరాధ రుసుముతో 26వరకు, రూ.3000 అపరాధ రుసుముతో వచ్చే నెల 6వరకు దరఖాస్తు చేసుకోవచ్చని చెప్పారు. దరఖాస్తుల ఎడిట్కు వచ్చే నెల 8, 9న అవకాశం కల్పించామని, హాల్టికెట్లను ఆగస్టు 20 నుంచి డౌన్లోడ్ చేసుకోవచ్చని వివరించారు. 28, 29, 30, 31న పరీక్షలు నిర్వహిస్తామని తెలిపారు. వివరాలకు www.telanganaset.org, www.osmania.ac.in వెబ్సైట్లలో చూసుకోవచ్చని సూచించారు.