హైదరాబాద్, నవంబర్27 (నమస్తే తెలంగాణ): రాష్ట్రంలో బీసీల అభ్యున్నతికి విశేష కృషి చేస్తున్న బీఆర్ఎస్ పార్టీకే తెలంగాణ బీసీల సంపూర్ణ మద్దతు ఉంటుందని తెలంగాణ రాష్ట్ర బీసీ సంఘం అధ్యక్షుడు రాజేశ్వర్యాదవ్ ఒక ప్రకటనలో తెలిపారు. మునుపెన్నడూ లేనివిధంగా బీసీ విద్యార్థుల కోసం బీఆర్ఎస్ ప్రభుత్వం డిగ్రీ వరకు గురుకులాలను ఏర్పాటు చేసిందని, విదేశీ విద్యానిధిని అందిస్తున్నదని పేర్కొన్నారు.
కులవృత్తులకు ప్రోత్సహిస్తున్నదని, ముడిసరుకు, యంత్ర పరికరాల కొనుగోలు కోసం 100 శాతం సబ్సిడీతో లక్షను అందిస్తున్నదని తెలిపారు. హైదరాబా ద్ నగరంలో ఆత్మగౌరవ భవనాలను నిర్మిస్తున్న ఘనత బీఆర్ఎస్ ప్రభుత్వానికే దక్కుతుందని పేర్కొన్నారు.