Achampet | అచ్చంపేట, జూన్ 27: ప్రభుత్వ గిరిజన ఆశ్రమ పాఠశాల విద్యార్థులకు చేరాల్సిన పా ఠ్యపుస్తకాలు స్క్రాప్ దుకాణంలో ప్రత్యక్షమయ్యాయి. ఈ ఘటన బుధవారం రాత్రి నాగర్కర్నూల్ జిల్లాలో చోటుచేసుకుంది. అచ్చంపేట పట్టణంలోని పాత, ఇనుప సామాన్ల దుకాణంలో గత విద్యా సంవత్సరం 6వ తరగతి నుంచి 9వ తరగతి వరకు సీలు తీయని ఇంగ్లిష్ మీడియం పుస్తకాలు కనిపించాయి. స్థానిక ఎన్టీఆర్ స్టేడియం వెనుకభాగంలో ఉన్న గిరిజన సంక్షేమ శాఖకు సంబంధించిన గోదాంలో పుస్తకాలను భద్రపరిచారు. వాటిని అక్కడి నుంచి తీసుకెళ్తుండగా స్థానికులు గమనించారు.
పాఠ్యపుస్తకాలు ఎక్కడ కొనుగోలు చేశావని వ్యాపారిని నిలదీయగా.. గోదాం నుంచి 25 బండిళ్లను 6,800 చెల్లించి కొనుగోలు చేశానని చెప్పాడు. ఈ విషయాన్ని స్థానికులు పోలీసులకు చెప్పారు. వాటిని పోలీసు లు స్టేషన్కు తరలించారు. గిరిజన ఆశ్రమ పాఠశాలకు సంబంధించిన పాఠ్యపుస్తకాలు వికయ్రించిన వారిపై విచారణ జరిపి చర్యలు తీసుకున్నట్టు జిల్లా ఇన్చార్జి డీటీడీవో కమలాకర్రెడ్డి తెలిపారు. 25 బండిళ్ల పాఠ్యపుస్తకాలు బయట విక్రయించిన వర్కర్లు ధనలక్ష్మి, కాశన్నను విధుల నుంచి తొలగించామని, కలెక్టర్ ఆదేశాల మేరకు గోదాం ఏసీఎంవో తిరుపతయ్యకు షోకాజ్ నోటీస్ జారీ చేశామని వివరించారు. గత ఏడాది పంపిణీ చేసిన తర్వాత మిగిలిన పాఠ్యపుస్తకాలు అచ్చంపేటలోని గోదాంలో నిల్వ ఉంచామని చెప్పారు.