హైదరాబాద్, జూలై 22 (నమస్తే తెలంగాణ): ఆరోగ్యశ్రీ ప్యాకేజీల ధరలను సవరించినట్టు వైద్య ఆరోగ్యశాఖ మంత్రి దామోదర రాజనర్సింహ తెలిపారు. సోమవారం ఆయన సచివాలయంలో మీడియాతో మాట్లాడారు. 1,375 చికిత్సలకు సగటున 25 శాతం వరకు ధరలు పెంచినట్టు పేర్కొన్నారు. దీంతోపాటు ఆరోగ్యశ్రీలోకి కొత్తగా 163 వ్యాధులను చేర్చుతున్నట్టు తెలిపారు. ప్రస్తుతం 1,672 ప్యాకేజీలు ఉండగా, కొత్త వాటితో కలిసి 1,835కి పెరిగినట్టు చెప్పారు. ఇటీవలే ఆరోగ్యశ్రీ పరిమితిని రూ. 5 లక్షల నుంచి 10 లక్షలకు పెంచిన విషయాన్ని గుర్తుచేశారు. వీటన్నిటి ఫలితంగా ఆరోగ్యశ్రీ బడ్జెట్ ఈ సంవత్సరం 54 శాతం పెరిగినట్టు వివరించారు. ప్రభుత్వంపై అదనంగా రూ.600 కోట్ల వరకు భారం పడుతున్నట్టు వివరించారు.
ఆరోగ్యశ్రీ పథకం కింద ప్రస్తుతం ఉన్న వ్యాధుల కు అదనంగా మరో 163 కొత్త ప్రొసీజర్లను చేర్చారు. ఈ మేరకు మరో ఉత్తర్వు విడుదల చేశారు. వీటితో కలిపి మొత్తం ప్రొసీజర్ల సంఖ్య 1,835కి పెరిగినట్టు మంత్రి తెలిపారు. లబ్ధిదారులకు గణనీయమైన ఆరో గ్య ప్రయోజనాలను అందజేసేందుకే ఈ నిర్ణయం తీసుకున్నట్టు చెప్పారు. కొత్త ప్రొసీజర్స్తో లక్షన్నర కుటుంబాలకు ప్రయోజనం కలుగుతుందని తెలిపా రు. ఆరోగ్యశ్రీ కింద 79 లక్షల కుటుంబాలకు చికిత్స అందుతున్నట్టు పేర్కొన్నారు. గాంధీ, ఉస్మానియా, నిమ్స్, ప్రైవేట్ దవాఖానల్లోని మెడికల్, సర్జికల్ విభాగాలకు చెందిన నిపుణులను సంప్రదించిన తర్వాత ధరలు పెంచినట్టు వెల్లడించారు.
ఆరోగ్యశ్రీలో కొత్తగా 163 ప్రొసీజర్లను జత చేస్తూ వైద్యరోగ్యశాఖ కార్యదర్శి క్రిస్టినా జెడ్చొంగ్తు సోమవా రం ఉత్తర్వులు జారీ చేశారు. ఇందులో మధుమేహ రోగులకు ఊరట కల్పిస్తూ ఇన్సులిన్ పంప్స్ను జతచేశారు. ఏడాదికి ఒక రోగికి రూ. 2 లక్షల వరకు ప్యాకేజీ ఉన్నది. గుండెకు సంబంధించి అదనంగా 12 ప్రొసీజర్లను చేర్చారు. డెర్మటాలజీలో 2, ఎండోక్రైనాలజీలో 7, జనరల్ మెడిసిన్లో 3, జనరల్ సర్జరీలో 15, జెరియాట్రిక్ మెడిసిన్లో ఒకటి, ఇంటర్వెన్షనల్ రేడియాలజీలో 17, మెడికల్ గ్యాస్ట్రోఎంటరాలజీలో 9, నెఫ్రాలజీలో 16, న్యూరాలజీలో 8, న్యూరో సర్జరీలో 18, న్యూక్లియర్ మెడిసిన్లో మూడు, ప్లాస్టిక్ సర్జరీలో 9, పల్మనాలజీలో 3, రేడియేషన్ ఆంకాలజీలో 3, రుమటాలజీలో 7, సర్జికల్ ఆంకాలజీలో 9, యూరాలజీ లో 11, వాస్యులర్ సర్జరీలో 6 జత చేశారు.