హైదరాబాద్, ఆగస్టు 28 (నమస్తే తెలంగాణ): డ్రగ్స్ నియంత్రణ చర్యల్లో భాగంగా తెలంగాణ ప్రభుత్వం మరో ముందడుగు వేసింది. డ్రగ్స్ దందా నిర్వహించే వారిపై, ప్రకటనలతో తప్పుదోవ పట్టించేవారిపై గుర్తించిన సాధారణ పౌరులెవరైనా ఫిర్యాదు చేసేలా ప్రత్యేకంగా సెంట్రలైజ్డ్ టోల్ ఫ్రీ నంబర్ 1800 599 6969 ఏర్పాటు చేసింది.
ఈ విషయాన్ని డ్రగ్ కంట్రోల్ అడ్మినిస్ట్రేషన్ (డీసీఏ) డైరెక్టర్ జనరల్ కమలాసన్రెడ్డి సోమవారం ఒక ప్రకటనలో వెల్లడించారు. అన్ని పనిదినాల్లో ఉదయం 10.30 నుంచి సాయంత్రం 5 గంటల వరకు ఈ టోల్ ఫ్రీ నంబర్ పనిచేస్తుందని పేర్కొన్నారు.