హైదరాబాద్, జూలై 10 (నమస్తే తెలంగాణ): పద్మశ్రీ అవార్డు గ్రహీతలకు ఒకొకరికి సీఎం రేవంత్ రెడ్డి రూ.25 లక్షలు అందజేశారు. బుధవారం సచివాలయంలో అవార్డు గ్రహీతలు గడ్డం సమ్మయ్య, దాసరి కొండప్ప, వేలు ఆనందచారి, కూరెళ్ల విఠలాచార్య, కేతావత్ సోంలాల్కు చెకులను అందించారు.
ఐఎస్డబ్ల్యూఏఐ ప్రతినిధులతో సీఎం భేటీ
హైదరాబాద్, జూలై 10 (నమస్తే తెలంగాణ): ఐఎస్డబ్ల్యూఏఐ (ఇంటర్నేషనల్ స్పిరిట్స్ అండ్ వైన్స్ అసోసియేషన్ ఆఫ్ ఇండియా) ప్రతినిధులతో ముఖ్యమంత్రి రేవంత్రెడ్డి బుధవారం సచివాలయంలోభేటీ అయ్యారు. రాష్ట్రంలో పెట్టుబడులు, ఇతర అంశాలపై చర్చించారు. కార్యక్రమంలో మంత్రి జూపల్లి కృష్ణారావు, సీఎస్ శాంతికుమారి పాల్గొన్నారు.
ట్రైకార్ చైర్మన్గా బెల్లయ్యనాయక్
హైదరాబాద్, జూలై 10 (నమస్తే తెలంగాణ): షెడ్యూల్డ్ తెగల ఆర్థిక సహకార సంస్థ లిమిటెడ్ (ట్రైకార్) చైర్మన్గా బెల్లయ్యనాయక్ మాసాబ్ట్యాంక్లోని దామోదరం సంజీవయ్య సంక్షేమభవన్లోని ట్రైకా ర్ కార్యాలయంలో బుధవారం బాధ్యతలు స్వీకరించారు. మంత్రులు ఉత్తమ్కుమార్రెడ్డి. పొన్నం ప్రభాకర్, దనసరి అనసూయ (సీతక), రాష్ట్ర కార్పొరేషన్ చైర్మన్ షబ్బీర్అలీ, జీసీసీ చైర్మన్ పోడెం వీరయ్య, గిరిజన సంక్షేమశాఖ ఉన్నతాధికారులు శరత్, సర్వేశ్వర్రెడ్డి, శంకర్రావు పాల్గొని నూతన చైర్మన్ను అభినందించారు.
దివ్యాంగుల కార్పొరేషన్ చైర్మన్గా వీరయ్య
హైదరాబాద్, జూలై10 (నమస్తే తెలంగాణ): దివ్యాంగుల ఫైనాన్స్ కార్పొరేషన్ రాష్ట్ర చైర్మన్గా ముత్తినేని వీరయ్య బుధవారం బాధ్యతలు స్వీకరించారు. మలక్పేటలోని దివ్యా ంగులు, వయోవృద్ధులు, ట్రాన్స్జెండర్స్ సాధికారత రాష్ట్ర కార్యాలయంలో జరిగిన ఈ వేడుకకు ముఖ్యఅతిథులుగా మంత్రులు సీతక, ఉత్తమ్కుమార్రెడ్డి, ఎమ్మెల్సీలు బల్మూరి వెంకన్న, మల్లన్న, గ్రంథాలయ సంస్థ చైర్మన్ రియాజ్, రాష్ట్ర కాంగ్రెస్ ప్రచార కమిటీ చైర్మన్ మధుయాషీగౌడ్ హాజరై వీరయ్యకు పుష్పగుచ్ఛాలు అందజేసి సత్కరించారు. కార్యక్రమంలో దివ్యాంగుల సంక్షేమశాఖ డైరెక్టర్ శైలజ, జనరల్ మేనేజర్ ప్రభంజన్రావు, అసిస్టెంట్ డైరెక్టర్ రాజేందర్ పాల్గొన్నారు.
‘పోలీస్ హౌసింగ్’ చైర్మన్గా గురునాథ్రెడ్డి
హైదరాబాద్, జూలై 10 (నమస్తే తెలంగాణ): రాష్ట్ర పోలీసు గృహ నిర్మా ణ సంస్థ చైర్మన్గా గురునాథ్రెడ్డి హైదరాబాద్ లక్డీకాపూల్లోని రాష్ట్ర పోలీస్ ప్రధాన కార్యాలయంలో బుధవారం బాధ్యతలు చేపట్టారు. ఎక్సైజ్, పర్యాటక, సాంస్కృతిక శాఖల మంత్రి జూ పల్లి కృష్ణారావు ఆయనకు పుష్పగుచ్ఛం అందజేసి శుభాకాంక్షలు తెలిపారు.