CM Revanth Reddy | హైదరాబాద్ : హైదరాబాద్లోని వట్టినాగులపల్లిలో అగ్నిమాపక శాఖ పాసింగ్ అవుట్ పరేడ్ కార్యక్రమం జరిగింది. రాష్ట్ర విపత్తు నిర్వహణ, అగ్నిమాపక శాఖ ఆధ్వర్యంలో నిర్వహించిన పాసింగ్ అవుట్ పరేడ్కు ముఖ్య అతిథిగా సీఎం రేవంత్ రెడ్డి హాజరయ్యారు. 483 ఫైర్మెన్లు, 155 డ్రైవర్ ఆపరేటర్స్కు నియామక పత్రాలను రేవంత్ అందజేశారు. శిక్షణలో ప్రతిభ కనబరిచిన వారికి సీఎం అవార్డులు అందజేశారు.
ఈ సందర్భంగా రేవంత్ రెడ్డి మాట్లాడుతూ.. ఫైర్మెన్ శిక్షణ పూర్తి చేసుకున్న యువకులకు శుభాకాంక్షలు. శిక్షణ పూర్తి చేసుకున్న మిమ్మల్ని చూసి మీ తల్లిదండ్రులు గుండెల నిండా సంతోషిస్తున్నారు. సమాజాన్ని కాపాడాలన్న ఉద్దేశంతో ముందుకు వచ్చిన మీ అందరినీ అభినందిస్తున్నా. ఈ ప్రభుత్వం ప్రజల ఆలోచనలకు అనుగుణంగా ముందుకు వెళుతుంది. అందులో భాగంగానే విద్య, వ్యవసాయానికి బడ్జెట్లో అత్యధిక నిధులు కేటాయించామని రేవంత్ రెడ్డి తెలిపారు.
ఎప్పటికప్పుడు ప్రభుత్వ ఉద్యోగ ఖాళీలను భర్తీ చేస్తూ ముందుకెళతాం. నిరుద్యోగులకు, విద్యార్థులకు నా సూచన ఒక్కటే.. మీకు సమస్యలు ఉంటే మంత్రులు, ఎమ్మెల్యేలకు విన్నవించండి. మీ సమస్యలను పరిష్కరించేందుకు తాను ముందుంటానని రేవంత్ రెడ్డి చెప్పారు.
ఇవి కూడా చదవండి..
Lakshmi Pump House | లక్ష్మీ పంప్ హౌస్ను సందర్శించిన బీఆర్ఎస్ బృందం : డ్రోన్ విజువల్స్
SCR | ఆగస్టు 5 నుంచి 10 వరకు ఆ రెండు ఎక్స్ప్రెస్ల రద్దు.. ఎందుకంటే?