హైదరాబాద్, జూలై 26 (నమస్తే తెలంగాణ): స్థానిక సంస్థల ఎన్నికల ప్రక్రియను వేగవంతం చేయాలని ముఖ్యమంత్రి రేవంత్రెడ్డి అధికారులను ఆదేశించారు. రాష్ట్ర సచివాలయంలో శుక్రవారం సాయంత్రం సీఎం అధ్యక్షతన స్థానిక సంస్థల ఎన్నికలపై సమీక్ష నిర్వహించారు. ఎన్నికల ప్రక్రియను ప్రారంభించడానికి ఉన్న ఆటంకాలు ఏమిటని ముఖ్యమంత్రి ప్రశ్నించారు. కేంద్ర ఎన్నికల సంఘం (ఈసీఐ) నుంచి రాష్ట్ర ఎన్నికల సంఘానికి (ఎస్ఈసీ) కొత్త ఓటర్ల జాబితా రావాల్సి ఉన్నదని అధికారులు తెలిపారు.
ఇప్పటికే రెండు రాష్ట్రాలకు ఈసీఐ జాబితా పంపిందని, మనతోపాటు మరో ఆరు రాష్ట్రాలకు మరో వారంలో జాబితాలు పంపనున్నదని చెప్పారు. జాబితా వచ్చినవెంటనే ఎన్నికల ప్రక్రియ ప్రారంభించాలని ముఖ్యమంత్రి ఆదేశించారు. వారంలోపే ఆయా స్థానిక సంస్థలకు తగినట్లు ఓటర్ల జాబితాలు రూపొందించాలని ముఖ్యమంత్రి సూచించారు. రిజర్వేషన్లకు సంబంధించి బీసీ కమిషన్ సైతం నిర్దిష్ట గడువులోగా తమ నివేదికను ప్రభుత్వానికి సమర్పించాలని ముఖ్యమంత్రి ఆదేశించారు.
ధరణితో తలెత్తుతున్న సమస్యలకు శాశ్వత పరిషారం కోసం మరింత లోతుగా అధ్యయ నం చేయాలని ముఖ్యమంత్రి రేవంత్రెడ్డి సూ చించారు. ప్రజల నుంచి సలహాలు, సూచనలు స్వీకరించాలని అధికారులను ఆదేశించారు. సీ ఎం ధరణి సమస్యలపై సమీక్ష నిర్వహించారు. భూ సమస్యలు నానాటికీ ఎకువవుతుండటంతో సమగ్ర చట్టం రూపొందించాల్సిన అవసరం ఉన్నదని తెలిపారు. ఒకప్పుడు గ్రామ స్థాయిలోనే రికార్డులు అందుబాటులో ఉండేవని గుర్తుచేశారు. చట్టాల మార్పుతో క్రమంగా మండలకేంద్రానికి, తర్వాత జిల్లా కేంద్రానికి, రాష్ట్రస్థాయికి రికార్డులు వెళ్లిపోయాయని అన్నారు.
గతంలో భూ సమస్యల పరిషారానికి అప్పీలు చేసుకొనే అవకాశం ఉండేదని గుర్తు చేశారు. ధరణితో గ్రామ, మండలస్థాయిలో ఏ సమస్యకు పరిషారం లేకుండాపోయిందని, సమస్త అధికారాలు జిల్లా కలెక్టర్కు అప్పజెప్పారని పేర్కొన్నారు. అకడ కూడా సమస్య పరిషారం కావడం లేదని, కలెక్టర్లు తీసుకొనే ఏ నిర్ణయాన్ని ప్రశ్నించే అవకాశం లేకుండా ధరణిని రూపొందించారని ఆరోపించారు. ఈ నేపథ్యంలో భూ సమస్యల పరిషారానికి విసృ్తత స్థాయి సంప్రదింపులు చేపట్టాలని, ప్రజల నుంచి సలహాలు, సూచనలు స్వీకరించాలని సీఎం సూచించారు
ధరణి విషయంలో అఖిలపక్ష భేటీ ఏర్పాటుచేసి అందరి అభిప్రాయాలతో సమగ్ర చట్టం తీసుకురావాలని ముఖ్యమంత్రి రేవంత్రెడ్డి అధికారులను ఆదేశించారు. భూదాన్, పోరంబోకు, బంచరాయి, ఇనాం, కాందిశీకుల భూముల సమస్యలున్న ఓ మండలాన్ని ఎంపిక చేసుకొని, అకడ ఎదురవుతున్న సమస్యలపై అధ్యయనం చేసి సమగ్ర నివేదిక రూపొందిస్తే ఆ సమస్యలపైనా పూర్తి స్పష్టత ఏర్పడుతుందని తెలిపారు. అవసరమైతే వీటన్నింటిపై శాసనసభలో చర్చ చేసి తుది నిర్ణయం తీసుకుంటామని చెప్పారు.
ఈ సమావేశాల్లో ఉపముఖ్యమంత్రి మల్లు భట్టివిక్రమార, మంత్రులు దామోదర రాజనరసింహ, సీతక, పొన్నం ప్రభాకర్, పొంగులేటి శ్రీనివాస్రెడ్డి, ఎమ్మెల్సీ తీన్మార్ మల్లన్న, ప్రభుత్వ సలహాదారు కే కేశవరావు, సీఎం సలహాదారు వేం నరేందర్రెడ్డి, మాజీ మంత్రి జానారెడ్డి, బీసీ కమిషన్ చైర్మన్ వకుళాభరణం కృష్ణమోహన్రావు, ధరణి కమిటీ సభ్యులు కోదండరెడ్డి, సునీల్కుమార్, రేమండ్ పీటర్, మధుసూదన్, సీసీఎల్ఏ నవీన్మిట్టల్, ప్రభుత్వ ప్రధానకార్యదర్శి శాంతికుమారి, సీఎం ముఖ్యకార్యదర్శి వీ శేషాద్రి, కార్యదర్శులు చంద్రశేఖర్రెడ్డి, వేముల శ్రీనివాసులు, సంగీత సత్యానారాయణ, అజిత్రెడ్డి, అడ్వకేట్ జనరల్ సుదర్శన్రెడ్డి పాల్గొన్నారు.