హైదరాబాద్, జూన్ 7 (నమస్తే తెలంగాణ): పచ్చిరొట్ట విత్తనాలను బ్లాక్ మారెట్కు తరలించేందుకు ప్రోత్సహిస్తున్న నలుగురు వ్యవసాయ అధికారులను సస్పెండ్ చేస్తూ రాష్ట్ర వ్యవసాయశాఖ కమిషనర్ శుక్రవారం సాయంత్రం ఉత్తర్వులను జారీచేశారు. మహబూబాబాద్ జిల్లా తొర్రూరు మండల వ్యవసాయాధికారితోపాటు మరో ముగ్గురు వ్యవసాయ విస్తరణ అధికారులను (ఏఈవో) సస్పెండ్ చేశారు. తొర్రూరు మండలంలో పచ్చి రొట్ట విత్తనాలను బ్లాక్ మారెట్ ద్వారా ఇతర రాష్ట్రాలకు తరలింపుకు కారణమైన తొర్రూరు మండలం వ్యవసాయాధికారి కే సోమకుమార్ యాదవ్, తొర్రూరు క్లస్టర్ గ్రేడ్-2 ఏఈవో ఎం జమున, అమ్మాపురం క్లస్టర్ ఏఈవో అజ్మీరా దీపిక, హరిపిరాల ఏఈవో సీహెచ్ అరవింద్ను సస్పెండ్ చేస్తూ రాష్ట్ర వ్యవసాయశాఖ కమిషనర్ గోపి శుక్రవారం ఉత్తర్వులు జారీచేశారు.