హైదరాబాద్, మే 7 (నమస్తే తెలంగాణ): కోరుట్ల ఏరియా దవాఖానలో రోగి మరణించిన ఘటనలో ప్రభు త్వం వైద్యుడిని సస్పెండ్ చేసింది. తమ దర్యాప్తులో నిర్లక్ష్య వైద్యం కారణంగానే నజీబర్రెహ్మాన్ అనే రోగి మరణించాడని నిర్ధారించినట్టు టీవీవీపీ కమిషనర్ అజయ్కుమార్ తెలిపారు. ఈ మేరకు డ్యూటీ డాక్టర్ వీ శ్రవణ్కుమార్ను సస్పెండ్ చేస్తున్నట్టు ఉత్తర్వులు జారీ చేశారు. కాగా వైద్యుడిని సస్పెండ్ చేయడాన్ని ఖండిస్తూ తెలంగాణ ప్రభుత్వ వైద్యుల సంఘం మంగళవారం హైదరాబాద్ కోఠిలోని టీవీవీపీ ప్రధాన కార్యాలయం ఎదుట నిరసన తెలిపింది. వెంటనే సస్పెన్షన్ను ఎత్తివేయకుంటే అన్ని వైద్య సంఘాలతో చర్చించి కార్యాచరణ రూపొందిస్తామని హెచ్చరించింది.