హైదరాబాద్, జూన్ 3 (నమస్తే తెలంగాణ): ఏపీ ఎన్నికల కౌంటింగ్ వేళ వైసీపీకి సుప్రీంకోర్టులో ఎదురుదెబ్బ తగిలింది. పోస్టల్ బ్యాలెట్ ఓట్ల లెకింపు వ్యవహారంలో తాము జోక్యం చేసుకోలేమని ధర్మాసనం స్పష్టం చేసింది. కేంద్ర ఎన్నికల సంఘం పోస్టల్ బ్యాలెట్లకు సంబంధించి మే 30న కీలకమైన ఉత్తర్వులు జారీ చేసింది. పోస్టల్ బ్యాలెట్ల ఓటరు డిక్లరేషన్కు సంబంధించిన ‘ఫాం-13ఏ’పై అటెస్టింగ్ అధికారి సంతకం ఉంటే చాలు.. ఆయన పేరు, హోదా, సీలు లేకపోయినా ఓట్లు చెల్లుబాటవుతాయని ఈసీ ఉత్తర్వులు ఇచ్చింది. ఈ ఉత్తర్వులను వైసీపీ హైకోర్టులో సవాల్ చేసింది. పోస్టల్ బ్యాలెట్లకు సంబంధించి కేంద్ర ఎన్నికల సంఘం ఉత్తర్వుల విషయంలో జోక్యం చేసుకోమని హైకోర్టు డివిజన్బెంచ్ స్పష్టం చేసింది. దీంతో ఉత్వర్వులపై వైసీపీ సుప్రీంలో సవాల్ చేసింది. సోమవారం విచారణ జరిపిన జస్టిస్లు అరవింద్కుమార్, సందీప్ మెహతాతో కూడిన ధర్మాసనం ఆ పిటిషన్ను తోసిపుచ్చింది.