హనుమకొండ చౌరస్తా, డిసెంబర్ 11: తెలుగు బుక్ ఆఫ్ రికార్డ్స్ ఆధ్వర్యంలో ఆదివారం హనుమకొండలో సుంకురుశెట్టి ప్రియాంక ‘సన్రైజ్ టు సన్రైజ్’ పేరుతో 24 గంటల స్పీచ్ను ప్రారంభించింది. ఆదివారం ఉదయం 9 గంటలకు ప్రారంభించిన ఆమె సోమవారం ఉదయం 9 వరకు క్లినికల్ రీసెర్చ్, డాటా మేనేజ్మెంట్పై ఉపన్యాసం కొనసాగించనున్నది. తెలుగు బుక్ ఆఫ్ రికార్డ్స్ జ్యూరీ మెంబర్ అండ్ చీఫ్ అడ్వైజర్ టీవీ అశోక్కుమార్ ముఖ్య అతిథిగా పాల్గొని కార్యక్రమాన్ని ప్రారంభించారు. సూర్యాపేటకు చెందిన బుచ్చయ్య-నిర్మల రెండో కూతురు ప్రియాంక వాగ్దేవి కళాశాలలో బీఫార్మసీ, ఉస్మానియాలో ఎంఫార్మసీ పూర్తిచేసి ప్రస్తుతం ఓ ఫార్మా కంపెనీలో లీడ్ సీడీఎంగా బాధ్యతలు నిర్వహిస్తున్నది. తెలుగు బుక్ ఆఫ్ రికార్డ్స్, గిన్నిస్బుక్ ఆఫ్ వరల్డ్ రికార్డ్స్ కోసం 24 గంటల నిర్విరామ ప్రసంగాన్ని ఆమె ప్రారంభించింది.