మంచిర్యాల : ప్రభుత్వ పాఠశాలలను బలోపేతం చేస్తామని ఓ వైపు రాష్ట్ర ప్రభుత్వం చెబుతున్నప్పటికి ఆచరణలో మాత్రం అందుకు భిన్నమైన పరిస్థితులు కనిపిస్తున్నాయి. ఇటీవల సీఎం రేవంత్ రెడ్డి మాట్లాడుతూ.. విద్యా శాఖ తన వద్దే ఉందని సదరు శాఖలో ఎలాంటి సమస్యలు లేవని చెప్పారు. కానీ, రాష్ట్రంలోని పలు పాఠశాలల్లో ఉపాధ్యాయులు కొరత, మౌలిక వసతుల లేమితో విద్యార్థులు తీవ్ర ఇబ్బందులు పడుతున్నారు. ఎండా, వాన నుంచి కాపాడాల్సిన తరగతి గదే నీళ్లలో ముంచెత్తుతుండటంతో విద్యార్థులు గొడుగులు(Umbrellas) ఆసరగా చేసుకొని చదువువాల్సిన దుస్థితి నెలకొంది.
ఈ విషాదకర సంఘటన మంచిర్యాల జిల్లాలో(Mancherial) చోటు చేసుకుంది. వివరాల్లోకి వెళ్తే..కృష్ణపల్లి జెడ్పీ సెకండరీ స్కూల్(Krishnapally ZP School) భవనంలో వర్షపు నీరు లీక్(Water leak) అవ్వడంతో విద్యార్థులు క్లాసు రూంలో గొడుగులు పట్టుకొని పాఠాలు వింటున్నారు. పుస్తాకాలు, పెన్నులు పట్టుకొని చదువాల్సిన విద్యార్థులు ఓ చేతితో పెన్ను మరో చేతితో గొడుగు పట్టుకొని చదువుకోవాల్సిన దుస్థితి నెలకొంది. కాగా, రూ.2 లక్షలతో మరమ్మతులు చేశామని చెప్పిన వర్షపు నీరు లీక్ అవుతుందని విద్యార్థుల తల్లిదండ్రులు, స్థానికులు ఆందోళన చెందుతున్నారు. ఇప్పటికైనా ప్రజా ప్రతినిధులు, అధికారులు స్పందించి మరమ్మతులు చేపట్టాలని కోరుతున్నారు.
స్కూల్ పైకప్పు నుండి వర్షపు నీరు లీక్.. గొడుగులు పట్టి పాఠాలు వింటున్న విద్యార్థులు
మంచిర్యాల – కృష్ణపల్లి జెడ్పీ సెకండరీ స్కూల్ భవనంలో వర్షపు నీరు లీక్ అవ్వడంతో విద్యార్థులు గొడుగులు పట్టుకొని చదువుకోవాల్సిన దుస్థితి ఏర్పడింది.
రూ.2 లక్షలతో మరమ్మతులు చేశామని చెప్పిన వర్షపు… pic.twitter.com/QdUfXHPuVz
— Telugu Scribe (@TeluguScribe) July 25, 2024