మెట్పల్లి రూరల్, జూలై 26: జగిత్యాల జిల్లా మెట్పల్లి మండలం పెద్దాపూర్ గురుకుల పాఠశాలలో గురువారం అర్ధరాత్రి ఓ విద్యార్థి మరణించడం, మరో ఇద్దరు అస్వస్థతకు గురికావడం కలకలం రేపింది. ఆరపేటకు చెందిన రాజారపు గణాదిత్య(13) పెద్దాపూర్ గురుకుల పాఠశాలలో 8వ తరగతి చదువుతున్నాడు. గురువారం అర్ధరాత్రి ఒంటి గంట తర్వాత గణాదిత్య వాంతులు చేసుకోవడంతో తోటి విద్యార్థులు కేర్టేకర్ వెంకట్, ప్రిన్సిపాల్ విద్యాసాగర్కు తెలిపా రు. తండ్రి మహేశ్కు తెల్లవారుజామున 3.45 గంటలకు ఫోన్ చేసి చెప్పడంతో, బైక్పై మెట్పల్లిలోని ప్రభుత్వ దవాఖానకు తీసుకెళ్లాడు. పరీక్షించిన వైద్యులు అప్పటికే మృతిచెందినట్టు నిర్ధారించారు. అలాగే అస్వస్థతకు గురైన ఇద్దరు విద్యార్థులను దవాఖానకు తరలించారు. పరీక్షించిన వైద్యులు పాముకాటువల్లే అస్వస్థతకు గురైనట్టు తెలిపారు. గణాదిత్య కూడా పాముకాటుతోనే మరణించినట్టు భావిస్తున్నారు.
హైదరాబాద్, జూలై 26 (నమస్తే తెలంగాణ): టీజీఎస్ఆర్టీసీలో జూనియర్ అసిస్టెంట్ (మెటీరియల్) పోస్టుల భర్తీకి మెకానికల్ సిబ్బందికి అనుమతిస్తూ యాజమాన్యం ఆదేశాలు జారీచేసింది. డిపార్ట్మెంట్ పరీక్షలు నిర్వహించడానికి ఆర్టీసీ యాజమాన్యం శుక్రవారం నోటిఫికేషన్ విడుదల చేసింది.