ములుగు, జూన్ 19: సిద్దిపేట జిల్లా ములుగు మండలం లక్ష్మక్కపల్లిలో బీజేపీ ఎంపీ ఈటల రాజేందర్కు చెందిన ఆర్వీఎం వైద్య కళాశాల అధ్యాపకులు మానసికంగా వేధిస్తున్నారంటూ విద్యార్థులు బుధవారం తరగతులు బహిష్కరించి నిరసనకు దిగారు. పారామెడికల్ కోర్సును అభ్యసిస్తున్న తమకు ఉద్దేశపూర్వకంగా ఓవర్టైమ్ డ్యూటీలు వేయడంతో ఏకాగ్రతతో చదువలేక పోతున్నామని ఆవేదన వ్యక్తం చేశారు. ఇదేవిషయమై బీఎస్సీ నర్సింగ్ థర్డ్ ఇయర్ విద్యార్ధులు మంగళవారం కళాశాల ఎదుట బైఠాయించి ఆందోళన వ్యక్తం చేశారు. కళాశాల సీఈవో శ్రీనివాస్రావు హామీతో ఆందోళన విరమించారు.