Kadiyam Srihari | జనగామ, మార్చి 29 (నమస్తే తెలంగాణ): కాంగ్రెస్లో చేరేందుకు సిద్ధపడిన ఎమ్మెల్యే కడియం శ్రీహరికి సొంత నియోజకవర్గం స్టేషన్ఘన్పూర్లో ఆ పార్టీ శ్రేణుల నుంచి నిరసన వ్యక్తం అవుతున్నది. రాజకీయ స్వార్థ ప్రయోజనాల కోసం పార్టీ మారేందుకు ప్రయత్నిస్తున్న కడియం శ్రీహరిని కాంగ్రెస్లో చేర్చుకోవద్దంటూ ఆ పార్టీ నియోజకవర్గ ఇన్చార్జి సింగపురం ఇందిర ఆధ్వర్యంలో వివిధ మండలాల ముఖ్యనాయకులు, కార్యకర్తలు శుక్రవారం హైదరాబాద్లో కాంగ్రెస్ వ్యవహారాల ఇన్చార్జి దీపాదాస్ మున్షీతో మొరపెట్టుకున్నారు.
నియోజకవర్గంలో పార్టీ వాస్తవ పరిస్థితులతోపాటు గత 30 ఏండ్లుగా శ్రీహరి నియంతృత్వ ధోర ణి వల్ల పడిన ఇబ్బందులను ఆమెకు వివరించారు. నియోజకవర్గ కార్యకర్తల కు ఇబ్బంది లేకుండా కంటికి రెప్పలా కాపాడుకుంటూ వారికి అండగా ఉం టూ వస్తున్నానని ఇందిర పేర్కొన్నారు.