Special Trains | ప్రయాణికుల దక్షిణ మధ్య రైల్వే తీపికబురు చెప్పింది. సికింద్రాబాద్ నుంచి పట్నా, దానాపూర్కు ప్రత్యేక రైళ్లను నడిపించనున్నట్లు ప్రకటించింది. పట్నా – సికింద్రాబాద్ (03253) మధ్య 5 ఆగస్టు నుంచి సెప్టెంబర్ 30 వరకు ప్రతి సోమ, బుధవారాల్లో ప్రత్యేక రైలు నడిపించనున్నట్లు తెలిపింది. హైదరాబాద్-పట్నా (07255) మధ్య ఆగస్టు 7 నుంచి అక్టోబర్ 2 వరకు ప్రతి బుధవారం నడుస్తుందని పేర్కొంది. సికింద్రాబాద్-పట్నా (07256) రైలు ఆగస్టు 8 నుంచి సెప్టెంబర్ 27 వరకు.. దానాపూర్-సికింద్రాబాద్ (03225) రైలు ఆగస్టు ఒకటి నుంచి సెప్టెంబర్ 26 వరకు ప్రతి గురువారం నడుస్తుందని పేర్కొంది. సికింద్రాబాద్ – దానాపూర్ (3226) రైలు ఆగస్టు 4 నుంచి సెప్టెంబర్ 29 వరకు ప్రతి ఆదివారం రైలు నడుస్తుందని దక్షిణ మధ్య రైల్వే వివరించింది. ప్రయాణికుల రద్దీని దృష్టిలో పెట్టుకొని ఆయా ప్రత్యేక రైళ్లను పొడిగిస్తున్నట్లు వివరించింది.