హైదరాబాద్, ఏప్రిల్ 18 (నమస్తే తెలంగాణ): ఏపీలోని వైఎస్సార్ జిల్లా బీ కోడూరు మండలం మేకవారిపల్లిలో ల్యాప్టాప్ పేలి సాఫ్ట్వేర్ ఉద్యోగినికి తీవ్ర గాయాలయ్యాయి. గ్రామానికి చెందిన సుమతి వర్క్ ఫ్రమ్ హోం చేస్తున్నది. సోమవారం ఉదయం ల్యాప్టాప్కు చార్జింగ్ పెట్టి పని చేస్తుండగా ఒక్కసారిగా పేలింది. గదిలో నుంచి మంటలు రావడాన్ని గమనించిన కుటుంబసభ్యులు వెంటనే ఆమెను బయటకు తీసుకొచ్చి చికిత్స నిమిత్తం కడపలోని ఓ ప్రైవేట్ దవాఖానకు తరలించారు. అక్కడ పరీక్షించిన వైద్యులు సుమతిని కడప రిమ్స్కు రెఫర్ చేశారు. ప్రస్తుతం ఆమె పరిస్థితి విషమంగా ఉన్నది.