హైదరాబాద్, మే 3 (నమస్తే తెలంగాణ) : శంషాబాద్ ఎయిర్పోర్టు పరిసరాల్లో తీవ్ర కలకలం రేపిన చిరుత ఎట్టకేలకు చికింది. నాలుగు రోజుల క్రితం ఎయిర్పోర్టు రన్వేపై చిరుత కనిపించిందనే వార్తలు సోషల్ మీడియాలో వైరల్ అయ్యాయి. చిరుత కదలికలు సీసీ కెమెరాలకు చికడంతో ఒకసారిగా కలకలం మొదలైంది. విమానాశ్రయంలోని ఎయిర్క్రాఫ్ట్ రిపేర్ సెక్షన్లోని కంచెపై నుంచి దూకేందుకు చిరుత ప్రయత్నించిన దృశ్యాలు అకడి సీసీటీవీ కెమెరాలో రికార్డుకాగా ఎయిర్పోర్టు సిబ్బంది వెంటనే భద్రతా సిబ్బందికి సమాచారమందించారు.
దీంతో అలర్ట్ అయిన ఫారెస్ట్ సిబ్బంది చిరుతను బంధించేందుకు 5 బోన్లలో మేకలను ఎరగా ఉంచి, 25 ట్రాప్ కెమెరాలను ఏర్పాటు చేశారు. గొల్లపల్లి, బహదూర్గూడ తదితర గ్రామాల ప్రజలను అప్రమత్తం చేశారు. గురువారం రాత్రి ఆహారం తినేందుకు వచ్చిన చిరుత బోనులో చికడంతో అందరూ ఊపిరి పీల్చుకున్నారు. చిరుతను జూపార్క్కు తరలించి వైద్య పరీక్షలు చేసిన అనంతరం నల్లమల అడవిలోకి తరలిస్తామని అధికారులు పేర్కొన్నారు.