హైదరాబాద్, జూలై25 (నమస్తే తెలంగాణ): మలక్పేట ప్రభుత్వ అంధ బాలికల వసతి గృహంలో ఎనిమిదేండ్ల బాలికపై జరిగిన లైంగికదాడి ఘటనపై మంత్రి సీతక్క తీవ్ర ఆగ్రహం వ్యక్తంచేశారు. ఘటన తన దృష్టికి వచ్చిన వెంటనే సంబంధిత అధికారులతో మాట్లాడారు. దివ్యాంగుల, వయోవృద్ధుల, ట్రాన్స్జెండర్స్ సాధికారతశాఖ డైరెక్టర్ శైలజ వసతి గృహాన్ని సందర్శించి, వివరాలు అడిగి తెలుసుకున్నారు. ఆ రిపోర్ట్ ఆధారంగా ఉన్నతాధికారులు వార్డెన్ను సస్పెండ్ చేశారు. డైరెక్టర్ శైలజ చైర్మన్గా, వికలాంగుల సాధికారతశాఖ ఏడీ రాజేందర్, హైదరాబాద్ బీసీ వెల్ఫేర్ ఆఫీసర్ ఆశన్న సభ్యులుగా త్రీమెన్ కమిటీని ప్రభు త్వం నియమించింది. పూర్తిస్థాయిలో విచారణ చేపట్టి నివేదికను అందించాలని కమిటీకి ఆదేశాలు జారీ చేసింది.