యాదాద్రి భువనగిరి : రన్నింగ్లో ఓ స్కూల్ బస్(School bus) స్టీరింగ్ ఊడిపోయిన (Steering blown) సంఘటన యాదాద్రి భువనగిరి జిల్లా భువనగిరి(Bhuvanagiri) మండల పరిధిలో దుపెళ్లి గ్రామ సమీపంలో శుక్రవారం చోటు చేసుకుంది. వివరాల్లోకి వెళ్తే.. మోత్కూర్ మండల కేంద్రానికి చెందిన సెయింట్ ఆన్స్ స్కూల్ బస్ విద్యార్థులను తీసుకొని పాఠశాలకు వెళ్తుండగా ప్రమాదవశాత్తు స్టీరింగ్ ఊడిపోయి రోడ్డు పక్కకు దూసుకెళ్లింది.
ప్రమాదం జరిగిన సమయంలో బస్సులో 17మంది విద్యార్థులు ఉండగా పలువురికి స్వల్ప గాయాలైనట్లు సమాచారం. తృటిలో పెను ప్రమాదం తప్పడంతో అంతా ఊపిరి పీల్చుకున్నారు. కాగా, అధికారులు బస్సుల ఫిట్నెస్ను సరిగా తనిఖీలు చేపట్టకపోవడం వల్లే ఇలాంటి ప్రమాదులు జరుగుతున్నాయని పలువురు విమర్శిస్తున్నారు. ఇప్పటికైనా ఫిట్నెస్ టెస్టులు చేపట్టాలని డిమాండ్ చేస్తున్నారు.