హైదరాబాద్, జూలై 15 (నమస్తే తెలంగాణ) : షెడ్యూల్డ్ కులాల అభివృద్ధిశాఖలోని ఉద్యోగుల బదిలీల్లో అధికారుల తీరుపై హాస్టల్ వెల్ఫేర్ అఫీసర్లు అభ్యంతరం వ్యక్తం చేస్తూ ఆందోళనకు దిగారు. దీంతో బదిలీలను కొద్ది సేపు వాయిదా వేశారు. డిపార్ట్మెంట్లోని పలు పోస్టుల బదిలీలకు సంబంధించి అధికారులు ఇప్పటికే షెడ్యూల్ ప్రకటించారు.
అందులో భాగంగా సోమవారం డీఎస్ఎస్ భవన్లో కౌన్సెలింగ్ చేపట్టారు. అయితే ఈ కౌన్సెలింగ్ ప్రక్రియను పలువురు హెచ్డబ్ల్యూవోలు అడ్డుకున్నారు. లోకల్, నాన్లోకల్ ఖాళీలను ప్రత్యేకించి చూపకుండానే బదిలీ చేపట్టడంపై తీవ్ర అభ్యంతరం వ్యక్తం చేశారు. దీంతో అధికారులు కొద్దిసేపు కౌన్సెలింగ్ను నిలిపివేశారు.