భూపాలపల్లి రూరల్, జూన్ 6: విధుల నుంచి తొలగించారని మనస్తాపం చెందిన శానిటేషన్ వర్కర్ మోకిడి సంపత్.. గురువారం జయశంకర్ భూపాలపల్లి జిల్లా దవాఖానలోని డయాగ్నొస్టిక్ సెంటర్ భవనం ఎక్కి పెట్రోల్ పోసుకొని ఆత్మహత్యాయత్నానికి పాల్పడ్డాడు.
బాధితుడి వివరాల ప్రకారం.. కరోనా నుంచి జయశంకర్ భూపాలపల్లి జిల్లాలోని వంద పడకల దవాఖానలో సెక్యూరిటీగా విధులు నిర్వరిస్తున్నానని, కాంట్రాక్టర్ ఖాజా, దవాఖాన సూపరింటెండెంట్ నవీన్కుమార్ తనపై కక్షకట్టి శానిటేషన్ పనులు చేస్తేనే డ్యూటీకి రా.. లేకుంటే ఇంటి వద్దనే ఉండాలని అనేక ఇబ్బందులకు గురిచేస్తున్నారని తెలిపాడు. సెక్యూరిటీ జాబ్ తొలగించొద్దని కోరాడు.