హైదరాబాద్, జూన్ 6 (నమస్తే తెలంగాణ): ప్రస్తుతం జాతీయస్థాయిలో జరుగుతున్న రాజకీయ పరిణామాల్లో తెలంగాణ పాత్ర లేకుండా చేశారని బీఆర్ఎస్ నేత ఆర్ఎస్ ప్రవీణ్కుమార్ ఆవేదన వ్యక్తంచేశారు. గురువారం ఎక్స్ వేదికగా ఆయన స్పందిస్తూ ‘బీఆర్ఎస్ పార్టీని 10 స్థానాల్లో గెలిపిస్తే కేంద్రంలో చక్రం తిప్పుతానని ఎన్నికల ప్రచారం సందర్భంగా అధ్యక్షుడు కేసీఆర్ ఎన్నోసార్లు చెప్పారు. కానీ కొందరు వెటకారం చేశారు. బీఆర్ఎస్ని ఓడించి తెలంగాణ వారికి వాయిస్ లేకుండా చేసుకున్నారు. ఇప్పుడు చూడండి.. 16 సీట్లు ఉన్న చంద్రబాబు, 12 సీట్లు ఉన్న నితీశ్కుమార్ కేంద్రంలో చక్రం తిప్పే స్థాయిలో ఉన్నారు. అదే ఈ రోజు బీఆర్ఎస్కు 10 సీట్లు ఉంటే మన రాష్ర్టానికి కావాల్సినవి కొట్లాడి తెచ్చుకునే వాళ్లం’ అని పేర్కొన్నారు. తెలంగాణకు చెందిన కాంగ్రెస్, బీజేపీ ఎంపీలు కేవలం గుంపులో గోవింద లెక అయ్యారని ప్రవీణ్కుమార్ తెలిపారు.