హైదరాబాద్, జూలై 25 (నమస్తే తెలంగాణ): రోడ్లకు కేటాయించే బడ్జెట్లో ఈసారి భారీగా కోతపడింది. గత ఏడాది రూ. 8,833 కోట్లు కేటాయించగా, ప్రస్తుత బడ్జెట్లో రూ.5,790 కోట్లే కేటాయించారు. మేజర్ జిల్లా రోడ్లకు రూ. 298.86 కోట్లు, కోర్ నెట్వర్క్ రోడ్లకు రూ.100 కోట్లు, రోడ్ సేఫ్టీకి రూ.2.62 కోట్లు, రేడియల్ రోడ్లకు రూ. 57 కోట్లు, ఇతర రోడ్లకు రూ.10 కోట్లు, మండల కేంద్రాల నుంచి జిల్లా కేంద్రాల రోడ్లకు రూ. 50 కోట్లు, గ్రామీణ రోడ్లకు రూ.90 కోట్లు, లెఫ్ట్ వింగ్ ఎక్స్ట్రిమిజమ్ పనులకు రూ.4 కోట్లు, రైల్వే సేఫ్టీ వర్క్స్ కింద ఆర్వోబీలకు రూ.120 కోట్లు, ఆర్వోబీలు, ఆర్యూబీలకు రూ.8.45 కోట్లు, ఇతర రోడ్లు, బ్రిడ్జిలకు కలిపి రూ. 3031.47 కోట్లు కేటాయించారు. ఇక, ట్రిపుల్ ఆర్కు రూ.1,525 కోట్లు కేటాయించారు.