హైదరాబాద్, మే 20 (నమస్తే తెలంగాణ): విద్యార్థుల్లో అభ్యసనా సామర్థ్యాలు పెంచడానికి, వారిని గ్లోబల్ సిటిజన్స్గా తీర్చిదిద్దడానికి రిసోర్స్ పర్సన్లకు శిక్షణ ఇస్తున్నట్టు సిమాట్ స్టేట్ ప్రాజెక్ట్ డైరెక్టర్లు డాక్టర్ మల్లయ్య భట్టు, మస్తానయ్య పేర్కొన్నారు. తెలంగాణ, ఆంధ్రప్రదేశ్ రిసోర్స్ పర్సన్లకు మూడు రోజుల సంయుక్త శిక్షణ కార్యక్రమాన్ని సోమవారం హైదరాబాద్లోని డాక్టర్ మర్రి చెన్నారెడ్డి మానవ వనరుల కేంద్రంలోని రెసిడెన్షియల్ మోడ్లో ప్రారంభించారు. ఈ సందర్భంగా వారు మాట్లాడుతూ.. శిక్షణ పొందిన ఆర్పీలు తిరిగి ఆయా రాష్ట్రాల్లోని ప్రధానోపాధ్యాయులకు శిక్షణ ఇవ్వనున్నట్టు వివరించారు.