హైదరాబాద్, మే 22 (నమస్తే తెలంగాణ): రాష్ట్రంలో అద్దె వాహనాల బకాయిలను వెంటనే చెల్లించాలని తెలంగాణ ఫోర్ వీలర్ డ్రైవర్స్ అసోసియేషన్ (టీఎఫ్డబ్లూడీఏ) రాష్ట్ర ప్రభుత్వాన్ని బుధవారం ఓ ప్రకటనలో కోరింది. ఎక్సైజ్, పంచాయతీ రాజ్, భూగర్భ జలశాఖ వంటి శాఖలకు చెందిన బిల్లులు కనీసం ఐదు నెలల నుంచి పెండింగ్లో ఉన్నాయని ఆ సంఘం వ్యవస్థాపకుడు షేక్ సలావుద్దీన్ తెలిపారు. ప్రస్తుతం నెలకు రూ. 33,000 జిల్లాలో, రూ. 34,000 హైదరాబాద్లో ఉందని, దానిని జిల్లాలో రూ. 66,000, హైదరాబాద్లో రూ. 68,000కు పెంచాలని డిమాండ్ చేశారు. ఓనర్ కమ్ డ్రైవర్లు.. వారి కుటుంబాలను రక్షించడానికి 7 సంవత్సరాలకుపైగా అన్ని డిపార్ట్మెంట్లు అద్దెకు తీసుకున్న వాహనాలకు ఫిక్స్డ్ హైర్ చార్జీలపై సవరణ చేస్తూ ప్రభుత్వం నిర్ణయం తీసుకోవాలని కోరారు. 15 నెలల నుంచి బిల్లులు రాకపోవడంతో తమ కుటుంబాలు ఇబ్బందులు ఎదురొవాల్సి వస్తుందని ఆవేదన వ్యక్తంచేశారు. ఫిబ్రవరిలో సమస్యలు తెలియచేసినా ఇప్పటికీ ప్రభుత్వం నుంచి స్పందన లేదని అన్నారు.