హైదరాబాద్, ఏప్రిల్ 26 (నమస్తే తెలంగాణ): కాళేశ్వరం ప్రాజెక్టుపై వ్య క్తులు, సంస్థల నుంచి ఫిర్యాదులు, సలహాలు, సూచనలు స్వీకరించేందు కు ప్రత్యేకంగా పలు బాక్సులను బీఆ రే భవన్లోని న్యాయ విచారణ కమిషన్ కార్యాలయంలో శుక్రవారం ఏ ర్పాటుచేశారు. తొలి రోజున ఎలాంటి ఫిర్యాదులు అందలేదని ఇరిగేషన్ శాఖ అధికారులు వెల్లడించారు. కాళేశ్వరం ప్రాజెక్టు లోపాలు, డిజైన్లు, మేడిగడ్డ బరాజ్ కుంగుబాటు, నిధుల వినియోగం తదితర అంశాలపై జస్టిస్ పినాకినిఘోష్ నేతృత్వంలో న్యాయ విచారణ కమిషన్ను ప్రభుత్వం నియమించిన సంగతి తెలిసిందే. కమిషన్ చైర్మన్ జస్టిస్ ఘోష్ ఇప్పటికే హైదరాబాద్ చేరుకున్నారు. విచారణ ప్రక్రియను ప్రారంభించారు. ఫిర్యాదులు, సలహాలు, సూచనలను స్వీకరించేందుకు ఇప్పటికే నోటిఫికేషన్ విడుదలైంది. ఈ నేపథ్యంలో ప్రత్యేక బాక్సులు ఏర్పాటుచేశారు. శనివారం మూడు బరాజ్లకు సంబంధించిన డాక్యుమెంట్లను పరిశీలించనున్నట్టు కమిషన్ తెలిపింది.