Ravula Sridhar Reddy | తెలంగాణ అసెంబ్లీ ఎన్నికల్లో కాంగ్రెస్ ఎన్నో హామీలు ఇచ్చి గద్దెనెక్కిందని.. హామీలు నేరవేర్చాలనే సోయి రేవంత్ రెడ్డికి ఎందుకు లేదని బీఆర్ఎస్ నేత రావుల శ్రీధర్రెడ్డి ప్రశ్నించారు. తెలంగాణ భవన్ ఆయన విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ కాంగ్రెస్ ఎన్నికలో ఇచ్చిన వాగ్దానలు కొండంత అని.. కాంగ్రెస్ 420 హామీల్లో ఏ ఒక్కటీ అమలు కాలేదన్నారు. నాలుగు నెలలుగా అన్ని వర్గాల వారిని కాంగ్రెస్ పార్టీ మోసం చేసిందని.. అనేక సంక్షేమ కార్యక్రమాలు చేస్తామన్ని చెప్పి ఒక్క హామీని కూడా అమలు చేయలేదన్నారు.
మైనారిటీలకు రిజర్వేషన్లు కల్పిస్తామని.. విద్యా ఉద్యోగ అవకాశాలు కల్పిస్తామన్నారు. మైనారిటీలకు ప్రత్యేకంగా 12 హామీలు ఇచ్చారని.. ఇందులో వాటిలో అమలు చేసింది ఎన్ని అని నిలదీశారు. మైనారిటీల ఉపాధి కల్పనకు వెయ్యి కోట్లు కేటాయిస్తామని చెప్పారని.. ఇమామ్లు, మౌజాన్లు, పాస్టర్లందరికీ రూ.10వేల నుంచి రూ.12వేల వరకు గౌరవ వేతనం ఇస్తామన్నారని.. హామీలు నేరవేర్చాలనే సోయి రేవంత్ రెడ్డికి ఎందుకు లేదు? లేదని మండిపడ్డారు. నాలుగు నెలలుగా ఏ ఒక్క వర్గమైనా నీ వల్ల బాగుపడిందా? అంటూ ఆగ్రహం వ్యక్తం చేశారు.
మైనారిటీలను ఓట్లడిగే హక్కు రేవంత్ రెడ్డికి లేదని.. మైనార్టీలకు ఇచ్చిన హామీలను ఎప్పటి వరకు అమలు చేస్తావో చెప్పే ధైర్యం నీకు ఉందా? అంటూ నిలదీశారు. మైనారిటీలను కేవలం ఓటు బ్యాంకుగానే కాంగ్రెస్ పార్టీ చూసిందని.. కేసీఆర్ ప్రభుత్వం ఉన్నప్పుడు మైనారిటీల అభివృద్ధికి కృషి చేశారన్నారు. మైనారిటీలకు షాదీ ముభారఖ్, ఓవర్ సీస్ స్కాలర్ షిప్స్ ఇచ్చామన్నారు. ముస్లిం మైనారిటీల కోసం స్కూల్స్ పెట్టామన్నారు. రంజాన్ వేడుకులను ఘనంగా నిర్వహించిందని.. ముస్లిం సోదరులకు రంజాన్ తోఫా బీఆర్ఎస్ సర్కార్ ప్రతి సంవత్సరం ఇచ్చిందని గుర్తు చేశారు. రేవంత్ రెడ్డికి ప్రజలు మీద ప్రేమలేదు కానీ, ఇతర పార్టీల నుంచి వచ్చిన వారికి సీట్లు ఇప్పించుకోవాలని చూస్తాడని.. కాంగ్రెస్ పార్టీకి మళ్లీ ఓట్లు వేసి మోసపోవద్దని కోరారు.