హైదరాబాద్, జూలై 26 (నమస్తే తెలంగాణ): కులగణన చేయకుండా, బీసీలకు 42 శాతం రిజర్వేషన్లు కల్పించకుండానే స్థానిక ఎన్నికలు నిర్వహించేందుకు కాంగ్రెస్ ప్రభుత్వం కుట్రలకు తెరలేపిందని బీసీ జనసభ అధ్యక్షుడు రాజారాంయాదవ్ ఆరోపించారు. స్థానిక ఎన్నికలపై సీఎం రేవంత్రెడ్డి తీసుకున్న నిర్ణయం నేపథ్యంలో వివిధ బీసీకుల సంఘాల అధ్యక్షులు, ప్రతినిధులతో సమావేశాన్ని శుక్రవారం నిర్వహించారు. అనంతరం ఒక ప్రకటన విడుదల చేశారు.
బీసీలను రాజకీయాలకు దూరం చేయడమే లక్ష్యంగా రే వంత్రెడ్డి రాష్ట్రంలో దేశ్ముఖ్ల పాలన కొనసాగిస్తున్నారని విమర్శించారు. ఎన్నికల్లో ఇచ్చిన హామీ ప్రకారం బీసీలకు 42 శాతం రిజర్వేషన్లు ఇవ్వకుంటే రాష్ట్రంలో కాంగ్రెస్ పార్టీని భూస్థాపితం చేస్తామని హెచ్చరించారు. ప్రభుత్వం ప్రయత్నాన్ని విరమించుకోవాలని డి మాండ్ చేశారు. సమావేశంలో హిందూ బీసీ మహాసభ రాష్ట్ర అధ్యక్షుడు బత్తుల సిద్దేశ్వరులు, అడ్వకేట్ జేఏసీ రాష్ట్ర అధ్యక్షుడు లొడంగి గోవర్ధన్, తెలంగాణ జర్నలిస్టుల ఫోరం రాష్ట్ర ప్రధాన కార్యదర్శి మేకల కృష్ణ, ఎంపీటీసీల ఫోరం రాష్ట్ర అధ్యక్షుడు కరుణాకర్, తెలంగాణ బీసీ విద్యార్థి యువజన సంఘం రాష్ట్ర అధ్యక్షుడు అనంతుల రామ్మూర్తిగౌడ్, తదితరులు పాల్గొన్నారు.