హైదరాబాద్, జూన్9 (నమస్తే తెలంగాణ): ఈ సారైనా బీసీలకు చట్టసభల్లో 50 శాతం రిజర్వేషన్లు కల్పిస్తూ బిల్లును ప్రవేశపెట్టాలని జాతీయ బీసీ సంక్షేమ సంఘం అధ్యకుడు, ఎంపీ ఆర్ కృష్ణయ్య కోరారు. ప్రధానిగా బాధ్యతలు చేపట్టిన మోదీకి శుభాకాంక్షలు తెలియజేస్తూ ఆదివారం ఒక ప్రకటన విడుదల చేశారు. జాతీయ స్థాయిలో ఫీజు రీయింబర్స్మెంట్, సాలర్షిప్ పథకం పెట్టాలని, కేంద్రంలో ఖాళీగా ఉన్న 16 లక్షల ఉద్యోగాలను వెంటనే భర్తీ చేయాలని, బీసీ, ఎస్సీ, ఎస్టీలకు రూ. 20 లక్షల చొప్పున అందజేయాలని కోరారు. జనాభా ప్రకారం వాటా ఇవ్వకపోతే తిరుగుబాటు తప్పదని హెచ్చరించారు.