KTR | హైదరాబాద్, జూన్ 28 (నమస్తే తెలంగాణ): భారతరత్న, మాజీ ప్రధాని పీవీ నరసింహారావు పేరును దేశం ఉన్నన్ని రోజులు ప్రజలు ఆయన పేరును గుర్తుంచుకుంటారని బీఆర్ఎస్ ప్రెసిడెంట్ కేటీఆర్ అన్నారు. శుక్రవారం తెలంగాణభవన్లో పీవీ జయంతి వేడుకల్లో పాల్గొని నివాళి అర్పించారు. ఈ సందర్భంగా మాట్లాడుతూ.. బహుభాషా ప్రజ్ఞాపాఠవంతో ప్రపంచం దృష్టిని ఆకర్షించిన గొప్ప మేధావి పీవీ అని కొనియాడారు. కవిగా, కథకుడి గా, మేధావిగా, సంసరణశీలిగా పీవీ చరిత్రను దే శం ఎన్నడూ మర్చిపోదని తెలిపారు. పీవీకి ముం దు, తర్వాత అన్నతీరుగా దేశ ఆర్థిక ముఖచిత్రాన్ని మార్చారని శ్లాఘించారు. ఒక ఆర్థికవేత్తను ఆర్థికమంత్రిగా నియమించుకొని అద్భుతంగా ఆర్థిక సంసరణలను చేపట్టారని గుర్తుచేశారు. 16 భాషల్లో భాషాప్రావీణ్యం ఉన్నా కొన్నిసార్లు, మౌనమే భాషగా గొప్పపాలన నిర్వహించారని వెల్లడించారు.
దేశంలో నవోదయ పాఠశాలలు, గురుకులాలు పెట్టి విద్యారంగానికి ఎనలేని సేవలు చేశారని వివరించారు. 80 ఏండ్ల వయసులో కంప్యూటర్ విద్య నేర్చుకున్న ఆయన.. మనందరికి ఆదర్శప్రాయమని కొనియాడారు. ఎమ్మెల్సీ సురభి వాణీదేవి మాట్లాడుతూ సమస్యల వలయం లో ఉన్న దేశాన్ని అద్భుతమైన రాజకీయ నాయకుడిగా పీవీ చక్కదిద్దారని చెప్పారు. ఇలాంటి మహానుభావుడిని సమాజం మర్చిపోతుంది అనుకుంటున్న తరుణంలో పీవీ శతజయంతి ఉత్సవాలను కేసీఆర్ ఘనంగా నిర్వహించారని తెలిపారు.
కార్యక్రమంలో మాజీమంత్రులు మహమూద్ అలీ, జగదీశ్రెడ్డి, కొప్పుల ఈశ్వర్, మాజీ ఎంపీలు రావుల చంద్రశేఖర్రెడ్డి, మాలోతు కవిత, మాజీ ఎమ్మెల్యేలు రవీంద్రకుమార్, భిక్షమయ్యగౌడ్, శ్రీనివాస్రెడ్డి, బీఆర్ఎస్ నేతలు దేవీప్రసాద్, మన్నె గోవర్ధన్రెడ్డి, గెల్లు శ్రీనివాస్యాదవ్, రాకేశ్కుమార్, పల్లె రవి, వాసుదేవరెడ్డి, కార్పొరేటర్ కవితారెడ్డి పాల్గొన్నారు. అసెంబ్లీ ప్రాంగణంలో పీవీ చిత్రపటానికి మండలి చైర్మన్ గుత్తా సుఖేందర్రెడ్డి, స్పీకర్ గడ్డం ప్రసాద్కుమార్, ఎమ్మె ల్సీ మధుసూదనాచారి, లెజిస్లేచర్ సెక్రటరీ నరసింహాచార్యులు పూలమాల వేసి నివాళులర్పించారు.