లింగాలఘనపురం, జూలై 12: కరెంటు షాక్ తగిలి ఓ ప్రైవేట్ విద్యుత్తు కార్మికుడు స్తంభంపైనే మృతిచెందాడు. ఈ ఘటన శుక్రవారం జనగామ జిల్లా లింగాలఘనపురం మండలం వనపర్తిలో జరిగింది. ప్రత్యక్ష సాక్షు లు, కుటుంబ సభ్యులు తెలిపిన వివరాల ప్రకారం.. వనపర్తి గ్రామంలో విద్యుత్తు సరఫరాలో తలెత్తిన లోపాన్ని సరిచేసేందుకు జేఎల్ఎం సురేశ్నాయక్ అభ్యర్థన మేరకు సబ్స్టేషన్ ఆపరేటర్ రవి వనపర్తి ఫీడర్లో కరెంటు సరఫరాను నిలిపేశాడు. ప్రైవేట్ కార్మికుడు కుక్కల మల్లేశ్ (35) గ్రామంలోని కరెంటు స్తంభాన్ని ఎక్కి లోపాన్ని సరిచేస్తుండగా.. మర్రితండా ఫీడర్లో విద్యుత్తు సరఫరా ఉం డటంతో మల్లేశ్ విద్యుదాఘాతానికి గురై స్తంభంపైనే ప్రాణాలు వదిలాడు.
సిబ్బంది అజాగ్రత్త, నిర్లక్ష్యంతోనే మల్లేశ్ మృతి చెందాడని గ్రామస్థులు తీవ్రఆగ్రహానికి గురయ్యా రు. మృతుడి కుటుంబానికి న్యాయం చేసేవరకు మృతదేహాన్ని తరలించొద్దని అడ్డుకున్నారు. విద్యుత్తు సిబ్బందిపై దాడిగి దిగి నిరసన చేపట్టారు. ఆరు గంటలపాటు మృతదేహం స్తంభంపైనే ఉండిపోయింది. స్టేషన్ఘన్పూర్ ఏసీపీ భీబ్ శర్మ పోలీస్ సిబ్బందితో వనపర్తికి చేరుకొని విద్యుత్తు అధికారులు, గ్రామస్థులతో చర్చించారు. ఆ కుటుంబంలో ఒకరికి ఉద్యోగం, పరిహారం ఇచ్చేలా ఒప్పం దం కుదరడంతో గ్రామస్థులు ఆందోళన విరమించారు. రఘునాథపల్లి సీఐ శ్రీనివాస్యాదవ్, ఎస్సైలు చింత రాజు, నరేశ్తోపాటు డివిజన్లోని పోలీసులు గ్రామంలోకి రావడంతో ఉద్రిక్తత నెలకొంది. మృతుడికి భార్య భాగ్యమ్మ, కూతురు శ్రుతి, కుమారుడు చరణ్ ఉన్నారు.