తాడ్వాయి, జూన్ 17 : ములుగు జిల్లాలోని మేడారం సమ్మక్క, సారలమ్మ సన్నిధిలో ప్లాస్టిక్ను నిషేధించినట్టు పూజారులు, దేవాదాయ శాఖ అధికారులు తెలిపారు. ప్లాస్టిక్ కవర్లు, గ్లాసులను వినియోగించవద్దని, భూమిలో సులభంగా కలిసిపోయి పర్యావరణానికి ఎలాంటి హాని చేయని బయోడిగ్రేడిబుల్ సంచులను వాడాలని దుకాణాల యజమానులకు సూచించారు.
అమ్మవార్ల దర్శనానికి వచ్చే భక్తులకు కూడా అవగాహన కల్పించారు. సోమవారం మేడా రం జాతర పరిసరాల్లోని దుకాణాల్లో ఉన్న ప్లాస్టిక్ కవర్లు, గ్లాసులను సమ్మక్క-సారలమ్మ పూజారులు, అభ్యుదయ యువజన సంఘం సభ్యులు, దేవాదాయ శాఖ అధికారులు స్వాధీనం చేసుకొన్నారు. మరోసారి వ్యాపారులు ప్లాస్టిక్ వినియోగిస్తే కేసుల నమోదు చేస్తామని హెచ్చరించారు.