కాశీబుగ్గ, జూన్ 21: వరంగల్ ఎంజీఎం దవాఖానలో విద్యుత్తు సరఫరాకు అంతరాయం ఏర్పడింది. దీంతో రోగులు, వారి సహాయకులు ఇబ్బందులకు గురయ్యారు. శుక్రవారం ఉదయం 10 నుంచి మధ్యాహ్నం 12 వరకు కరెంట్ సరఫరా నిలిచిపోవడంతో జనరల్ ఓపీ, క్యాజువాలిటీ వార్డుకు వచ్చే రోగుల ఎక్స్రే, స్కానింగ్, రక్త పరీక్షలు ఆలస్యమయ్యాయి. దీంతో రోగులు బారులు తీరాల్సి వచ్చింది. మధ్య మధ్యలో చాలాసార్లు విద్యుత్ అంతరాయం జరగడంతో పలు సేవలు నిలిచిపోయినట్టు సిబ్బంది పేర్కొన్నారు. మొత్తానికి దవాఖానకు వచ్చిన రోగులకు వైద్య పరీక్షలు, ఇతర రిపోర్టులు అందక నిరాశతో మరుసటి రోజు వస్తామని వెళ్లిపోయారు