ఉస్మానియా యూనివర్సిటీ, జూలై 19: గ్రూప్ 2 పరీక్ష వాయిదా వేయడాన్ని విద్యార్థి, నిరుద్యోగుల పక్షాన స్వాగతిస్తున్నామని బీఆర్ఎస్వీ రాష్ట్ర ఉపాధ్యక్షుడు తుంగ బాలు ఒక ప్రకటనలో తెలిపారు. ఇది ముమ్మాటికీ విద్యార్థి, నిరుద్యోగుల విజయమేనని స్పష్టం చేశారు. కొన్ని నెలలుగా నిరుద్యోగులు నిద్రాహారాలు మాని ఉద్యమించిన ఫలితంగా రేవంత్రెడ్డి ప్రభుత్వం దిగి వచ్చిందని చెప్పారు. ఎన్నికల ప్రభుత్వం పోస్టుల సంఖ్యనూ పెంచాలని డిమాండ్ చేశారు. లేనిపక్షంలో ఉద్యమాన్ని తీవ్రం చేస్తామని హెచ్చరించారు. గత ప్రభుత్వ హయాంలో నోటిఫికేషన్ ఇచ్చి, పరీక్ష నిర్వహించిన పోస్టులకు అపాయింట్మెంట్ లెటర్లు ఇచ్చి వాటిని తామే భర్తీ చేశామని చెప్పుకోవడం సీఎం రేవంత్కే చెల్లిందని ఎద్దేవా చేశారు.