హైదరాబాద్, జూలై 14 (నమస్తే తెలంగాణ) : డీఎస్సీని వాయిదా వేయించాలని కేంద్ర బొగ్గు, గనుల శాఖ మంత్రి జీ కిషన్రెడ్డిని ఆదివారం అభ్యర్థులు కలిసి తమ గోడును వెల్లబోసుకున్నారు. ఈ సందర్భంగా 40కి పైగా పుస్తకాలను కిషన్రెడ్డికి చూపించి.. వీటిని 25 రోజుల్లో ఎలా చదవగలమని ఆయన ముందు కన్నీటిపర్యంతం చెందారు.
టెట్ తర్వాత 25 రోజుల సమయమే ఇచ్చారని, ప్రిపరేషన్కు ఈ సమయం సరిపోదని తెలిపారు. తమకు న్యాయం చేయాలని వేడుకున్నారు. స్పందించిన కిషన్రెడ్డి.. ప్రభుత్వం, అధికారులతో మాట్లాడి న్యాయం చేస్తానని హామీ ఇచ్చారు.