BRSV | హైదరాబాద్ : ఉస్మానియా యూనివర్సిటీలో పోలీసులు.. రౌడీలా మాదిరి ప్రవర్తించారు. డీఎస్సీ వాయిదా వేయాలని నిరుద్యోగ అభ్యర్థులకు మద్దతుగా నిరసన తెలుపుతున్న బీఆర్ఎస్వీ నాయకుల పట్ల పోలీసులు అనుచితంగా ప్రవర్తించారు. బీఆర్ఎస్వీ నాయకులను చుట్టుముట్టిన పోలీసులు.. వారిపై దాడి చేశారు. అనంతరం పోలీసు వ్యాన్లో ఎక్కించారు. అక్కడున్న మరికొంత మంది నాయకులు.. శాంతియుతంగా నిరసన వ్యక్తం చేస్తున్న తమపై దాడులు ఏంటని పోలీసులను నిలదీశారు. ఈ క్రమంలో అక్కడ ఉద్రిక్త వాతావరణం నెలకొంది.
ఇక ఓయూలోని ఎన్ఆర్ఎస్ హాస్టల్ వద్ద బీఆర్ఎస్వీ నాయకులను పోలీసులు అదుపులోకి తీసుకున్నారు. బీఆర్ఎస్ విద్యార్థి విభాగానికి చెందిన సుమారు 300 మంది విద్యార్థులను పోలీసులు అరెస్టు చేశారు. ఓయూలోని పలు హాస్టళ్ల వద్ద పోలీసులు భయానక వాతావరణం సృష్టించారు.
తక్షణమే జాబ్ క్యాలెండర్ విడుదల చేయాలని బీఆర్ఎస్వీ నాయకులు జంగయ్య డిమాండ్ చేశారు. 25 వేల పోస్టులతో మెగా డీఎస్సీ నిర్వహించాలన్నారు. గ్రూప్-2, 3 లో పోస్టుల సంఖ్య పెంచిన తర్వాతే వాటికి సంబంధించిన రాత పరీక్షలను నిర్వహించాలని డిమాండ్ చేశారు.
పోలీసులా రౌడీలా!
ఉస్మానియా యూనివర్సిటీలో బూతులు తిడుతూ BRSV నాయకులను కొట్టిన పోలీసులు. pic.twitter.com/AxVi7PmC5L
— Telugu Scribe (@TeluguScribe) July 10, 2024