మహబూబ్నగర్ అర్బన్, మే 3 : మహబూబ్నగర్ మున్సిపాలిటీ విలీన గ్రామమైన బోయపల్లిలో మంచినీటి సమస్య పరిష్కారమైంది. ‘సీఎం సొంత జిల్లాలో దాహం దాహం’ అన్న శీర్షికతో గురువారం ‘నమస్తే తెలంగాణ’లో ప్రచురితమైన కథనానికి అధికారులు స్పందించారు.
మున్సిపల్ కమిషనర్ మహేశ్వర్రెడ్డి వెంటనే లీకేజీలను గుర్తించి వాటిని సరి చేయించారు. దీంతో మిషన్ భగీరథ పథకం ద్వారా నీటి సరఫరా కావడంతో ఆ గ్రామంలో మంచినీటి సమస్య తీరిపోయిందని కమిషనర్ ఒక ప్రకటన విడుదల చేశారు. తమ సమస్య పరిష్కారానికి కృషి చేసిన నమస్తే తెలంగాణకు స్థానికులు కృతజ్ఞతలు తెలిపారు.