హైదరాబాద్, జూలై 15 (నమస్తే తెలంగాణ) : పోలీస్ సిబ్బంది ఆరోగ్య భద్రతకు సంబంధించిన రూ.260 కోట్ల బకాయిలు ఇప్పించాలని వివిధ జిల్లాలకు చెందిన పోలీస్ అధికారుల సంఘం నేతలు సోమవారం డీజీపీ జితేందర్కు విన్నవించారు. ఈ సందర్భంగా తాత్కాలిక పోలీస్ అధికారుల సంఘాన్ని రద్దు చేసి, కొత్త పోలీస్ అధికారుల సంఘం ఏర్పాటు చేయాలని కోరారు. దీంతో త్వరలోనే ఎన్నికలు నిర్వహిస్తామని డీజీపీ హామీ ఇచ్చినట్టు పోలీస్ అధికారుల సంఘం మాజీ కోశాధికారి, పీటీవో ఉపాధ్యక్షుడు జీఎస్ రాజు తెలిపారు. భద్రత రుణాల ప్రక్రియను పునరుద్ధరించాలని, ప్రమోషన్లు చేపట్టాలని, జీవో 317ను సవరించాలని కోరారు. ఈ సందర్భంగా ఇటీవల గౌరవ డాక్టరేట్ పొందిన చిందం సుభాశ్ను డీజీపీ అభినందించారు. కార్యక్రమంలో వివిధ పోలీస్ అధికారుల సంఘాల ప్రతినిధులు జంగయ్య, జనార్దన్, సుభాశ్, సూరి, నాగరాజు, నరేందర్, ఉమ, చంద్రశేఖర్రెడ్డి, యాదిరెడ్డి, శ్రీనివాస్గౌడ్, మల్లేశ్, శ్రీనివాస్, నర్సింహ, భాసర్ పాల్గొన్నారు.