హిమాయత్నగర్,జూలై11: గ్రామ పంచాయతీ కార్మికుల వేతన బకాయిలను తక్షణమే మంజూరు చేయాలని తెలంగాణ ప్రగతిశీల గ్రామ పంచాయతీ వర్కర్స్ యూనియన్ రాష్ట్ర అధ్యక్షుడు కొత్తపల్లి రవి, ప్రధాన కార్యదర్శి పీ అరుణ్ కుమార్, ఐఎఫ్టీయూ రాష్ట్ర ప్రధాన కార్యదర్శి కే సూర్యం డిమాం డ్ చేశారు.
పంచాయతీ కార్మికుల సమస్యలు పరిష్కరించాలని గురువారం హిమాయత్నగర్లోని పంచాయతీ రాజ్, గ్రామీణ ఉపాధి కల్పన కమిషనర్ కార్యాలయం ఎదుట ఆందోళన నిర్వహించారు. ఈ సందర్భంగా వారు మాట్లాడుతూ రాష్ట్రంలోని 12,769 గ్రామ పంచాయతీల్లో వేలాది మల్టీపర్పస్ వర్కర్లు వెట్టిచాకిరి చేస్తున్నా రని, జీవో నం 60 ప్రకారం వీరికి వేతనాలు చెల్లించాలని డిమాండ్ చేశారు. ఈ కార్యక్రమంలో యూనియన్ నాయకులు వెంకట్, నర్సింలు, వెంకట్రాములు, రాఘవేందర్, రాందాస్, సాంబశివుడు, రాజు, గట్టమ్మ, సుబ్బయ్య, రాములు, ఎల్లమ్మ, అప్పారావు తదితరులు పాల్గొన్నారు.