హైదరాబాద్, జూన్ 8(నమస్తే తెలంగాణ): నరేంద్రమోదీపై బీజేపీలోనే తీవ్ర వ్యతిరేకత ఉన్నదని, ఆయనను ఎప్పుడు తప్పిస్తారో తెలియని పరిస్థితి నెలకొన్నదని టీపీసీసీ ఉపాధ్యక్షుడు నిరంజన్ తెలిపారు. ఆ ముప్పు నుంచి తప్పించుకునేందుకే హడావుడిగా పదవీ ప్రమాణ స్వీకా రం చేస్తున్నారని ఆరోపించారు. హైదరాబాద్ గాంధీభవన్లో శనివారం ఆయన మీడియాతో మాట్లాడారు. ఈ ఎన్నికల్లో ప్రజలు మోదీని, బీజేపీని నమ్మలేదని చెప్పారు. అందుకే బీజేపీకి సీట్లు తగ్గాయని, మోదీకి గతంకంటే 3 లక్షల మెజార్టీ తగ్గిందని తెలిపారు. మోదీకి 2019లో 4.71 లక్షల మెజార్టీ రాగా, ఈ ఎన్నికల్లో 1.71 లక్షలకు పడిపోయిందని చెప్పారు. అయోధ్య ప్రాంతమున్న ఫైజాబాద్లో బీజేపీ ఓడిందని, అయినా మోదీ ఆత్మవిమర్శ చేసుకోవడం లేదని విమర్శించారు.