హైదరాబాద్, జూలై 21 (నమస్తే తెలంగాణ): టీజీఈసెట్లో అర్హత సాధించిన అభ్యర్థుల అడ్మిషన్లకు నిర్వహించిన వెబ్ కౌన్సెలింగ్ ముగిసింది. ఇంజినీరింగ్, ఫార్మీసీ కోర్సుల్లో కలపి మొత్తం 3,511 సీట్లు ఖాళీగా ఉన్నట్టు అధికారులు తెలిపారు. ఈసెట్కు 22,365 మంది విద్యార్థులు అర్హత సాధించగా, వారిలో ఈ నెల 17 నుంచి తొలి, చివరి దశల్లో కలిపి 14,212 మంది విద్యార్థులు సర్టిఫికెట్ల వెరిఫికేషన్కు హాజరయ్యారు. చివరి దశలో 9,646 మందిని ఎంపిక చేసినట్టు అధికారులు తెలిపారు. ఇంజినీరింగ్లో 12,785, ఫార్మసీలో 1,180 సీట్లు ఉండగా, 10,454 సీట్లను విద్యార్థులకు కేటాయించారు. ఇంజినీరింగ్లో 2,378, ఫార్మసీలో 1,133 సీట్లు ఖాళీగా ఉన్నట్టు అధికారులు తెలిపారు. సీట్లు పొందిన అభ్యర్థులు తప్పనిసరిగా ఆదివారం నుంచి ఈ నెల 24 వరకు ఆయా కాలేజీల్లో రిపోర్టు చేయాలని కోరారు.