Minister Gangula | రాష్ట్ర ప్రభుత్వంపై తెలంగాణ గవర్నర్ తమిళసై చేసిన రాజకీయ వాఖ్యల్ని మంత్రి గంగుల కమలాకర్ తీవ్రంగా ఖండించారు. గవర్నర్ తన స్థాయికి తగినట్లు మాట్లాడాలని చెప్పారు. రాజ్భవన్లో రాజకీయాలు చేయడం మంచిది కాదని గురువారం వ్యాఖ్యానించారు.
రాష్ట్రపతి, ప్రధాని మద్య సంబంధం మాదిరిగానే ముఖ్యమంత్రి, గవర్నర్ మధ్య సంబంధాలు ఉంటాయని గంగుల కమలాకర్ పేర్కొన్నారు. కనుక ఆ విషయాన్ని దృష్టిలో పెట్టుకోవాలని చెప్పారు.
రాజకీయాలే చేయాలనుకుంటే రాజ్ భవన్లో ఉండి చేయడం సరి కాదని గంగుల కమలాకర్ స్పష్టం చేశారు. కేంద్ర ప్రభుత్వ ప్రతినిధిగా కాక, రాజ్యాంగ బద్ద హోదాలో ఉన్నట్లుగా గవర్నర్ ప్రవర్తించాలని సూచించారు.