హైదరాబాద్, జూలై 24 (నమస్తే తెలంగాణ): కొత్త నేర చట్టాలను సమీక్షించి సవరణలు తేవాలని, పెండింగ్లో ఉన్న సెంట్రల్ నోటరీల నియామకాలను వెంటనే చేపట్టాలని బీఆర్ఎస్ రాజ్యసభ సభ్యుడు వద్దిరాజు రవిచంద్ర కేంద్ర ప్రభుత్వాన్ని డిమాండ్ చేశారు. బుధవారం ఆయన నేతృత్వంలో న్యాయవాద బృందం కేంద్ర న్యాయశాఖ మంత్రి అర్జున్రామ్ మేఘ్వాల్కు వినతిపత్రం సమర్పించింది. ఈ సందర్భంగా పలు విషయాలను ఆయన దృష్టకి ఎంపీ తీసుకెళ్లారు. కొత్త నేర చట్టాల్లో స్వల్ప సవరణల విషయమై జిల్లా జడ్జిలు, జిల్లా కోర్టుల ప్రాక్టీసింగ్ సీనియర్ న్యాయవాదుల సూచనలను స్వీకరించాలని కోరారు. 2021లో వచ్చిన సెంట్రల్ నోటరీస్ నోటిఫికేషన్లో 2,000 మంది న్యాయవాదులు దరఖాస్తు చేసుకున్నారని, వాటిని వెంటనే పరిశీలించి, వెంటనే నియామకాలు కేంద్ర మంత్రిని ఎంపీ వద్దిరాజు కోరారు. అడ్వకేట్ ప్రొటెక్షన్ బిల్లును అమలు చేయాలని కోరారు. ఈ బృందంలో సీనియర్ న్యాయవాదులు తాళ్లూరి దిలీప్, నేరెళ్ల శ్రీనివాస్, సంక్రాంతి రాజశేఖర్ తదితరులు ఉన్నారు.