హైదరాబాద్, మార్చి 3 (నమస్తే తెలంగాణ): దేశంలో ఉద్యానరంగానికి ఉన్న అపారమైన అవకాశాల దృ ష్ట్యా భవిష్యత్తులో ఉద్యాన రంగానిదే కీలక పాత్ర అని శ్రీ కొండా లక్ష్మణ్ తెలంగాణ రాష్ట్ర ఉద్యాన విశ్వవిద్యాలయం వీసీ డాక్టర్ బీ నీరజాప్రభాకర్ చెప్పా రు. ఉద్యాన పంటలు సాగుచేస్తున్న రైతులు వ్యాపార ఒరవడిని అలవరచుకొని, మెళకువలు నేర్చుకుంటే సాగు లాభసాటిగా ఉంటుందన్నారు. వనపర్తి జిల్లా మోజెర్లలోని ఉద్యాన కళాశాలలో గ్రామీణ యువతకు ఉద్యాన రంగంలో వ్యా పార అవకాశాలపై శుక్రవారం నిర్వహించిన జాతీయ శిక్షణలో వీసీ మాట్లాడారు. ఉద్యాన రైతులు అనుబంధ ఉత్పత్తుల ను పరిశ్రమగా పెట్టగలిగితే భవిష్యత్తు లో మంచి లాభాలుంటాయని సూచించారు.