నల్లగొండ: ఫిర్యాదు చేయడానికి వెళ్లిన మహిళపట్ల అసభ్యంగా ప్రవర్తించిన శాలిగౌరారం ఎస్ఐపై బదిలీవేటు పడింది. ఎస్ఐ ప్రవీణ్ను (SI Praveen) వీఆర్కు అటాచ్ చేస్తూ నల్లగొండ ఎస్పీ ఉత్తర్వులు జారీచేశారు. ఆయన స్థానంలో నూతన ఎస్ఐగా సైదులును నియమించారు. ఎస్ఐ ప్రవీణ్ తనను వేధిస్తున్నాడంటూ శాలిగౌరారం మండలం వంగమర్తి గ్రామానికి చెందిన బెల్లి నిఖిత పోలీసు ఉన్నతాధికారులకు ఫిర్యాదు చేసిన సంగతి తెలిసిందే. గతంలో ఫిర్యాదు చేసినా అధికారులు పట్టించుకోకపోవడంతో జిల్లా ఎస్పీకి సోమవారం ఎస్పీకి వినతిపత్రం అందించారు. దీంతో ఎస్ఐపై చర్యలు తీసుకున్నారు.
కాగా, కేసు విచారణ నిమిత్తం స్టేషన్కి పిలిపించి టీ పెట్టించారని.. చికెన్ ఫ్రై, చేపల కూడా వండటం వస్తే బయట కలుద్దామంటూ ఫోన్ చేయడంతో పాటు వాట్సాప్ మెసేజ్ చేశాడంటూ బాధితురాలు ఆరోపించారు. విచారణ పేరుతో గంటన్నర సేపు తన రూమ్లో నిలబెట్టి నానా మాటలు అన్నాడని చెప్పారు. ఏదన్నా ఉంటే పర్సనల్గా ఫోన్ చేయమన్నాడని తెలిపారు. ఇక్కడి విషయాలు ఎవరికన్నా చెప్తే తనతో పాటు కుటుంబానికి ఇబ్బందులు తప్పవని హెచ్చరించాడని పేర్కొన్నారు. తనపైనే కుల సంఘాల నేతలతో దుష్ర్పచారం చేయిస్తున్నాడని ఆవేదన వ్యక్తం చేసింది.