కొల్లాపూర్ రూరల్, మే 13 : విద్యుత్తు సరఫరాను పునరుద్ధరించిన తర్వాతే ఓటేస్తామని నాగర్కర్నూల్ జిల్లా కొల్లాపూర్ మండలం అమరగిరి చెంచుగూడెంలో చెంచులు రెండు గంటల పాటు పోలింగ్ను బహిష్కరించారు. గూడెంలోని 262 నంబర్ పోలింగ్ బూత్లో సోమవారం ఉదయం 7 గంటలకు ప్రారంభం కావాల్సిన ఓటింగ్, 9 గంటలైనా మొదలుకాలేదు. ఇటీవల గాలిదుమారానికి చెట్టు విరిగిపడి కరెంట్ తీగలు తెగిపోవడంతో నాలుగు రోజులుగా గూడేనికి విద్యుత్ సరఫరా నిలిచిపోయింది. దీంతో తమకు విద్యుత్తును తిరిగి అందించేదాకా ఓటెయ్యబోమని చెంచులు భీష్మించుక్కూర్చున్నారు. తహసీల్దార్ శ్రీకాం త్, విద్యుత్తు అధికారులు గూడేనికి చేరుకొని కరెంట్ సరఫరాను పునరుద్ధరించారు. సమస్య పరిష్కారం కావడంతో చెంచులు ఓటేశారు.